دوشه ..

بين لحظات كسر الواحد "اللي هو الانسان" و بين لحظات اتخاذة لقرار يجبرة "فضل من ربنا" لحظات قد ليه بتوجع و بتالم و بتغم .. ازاي انسان يعمل في انسان تاني مايعرفوش كم الالم الهائل ده !! علشان لحظه برده "سواء لحظه غباء او ضعف او تخلف او جهل او ذكاء من وجهة نظرة .. مش مهم !! لأن ده الطرف اللي مينفعش يبقي بطل التدوينه و تركيزي يبقي عليه !!
انا هتكلم عن الطرف التاني "اللي تم إذائه" او محاولة كسرة "او كسرة بالفعل"
لازم يدرك "مش بس يفهم" ان كل الناس بتتعرض لمواقف و ظروف صعبة و ان مهما انا او هو اتعرضنا في ناس تانيه اتعرضت لظروف اصعب .. اللي بيفرق هو "رد الفعل" و ان منخليش المشاعر هي اللي تتحكم في حياتنا و ننقاد وراها .. نفكر بيها .. و نعيش فيه و نعيش بيها ..
ليه نسمح بان غيرنا يكسرنا .. و يعيش حياته عادي .. و احنا اللي ننكمش و نوقف حياتنا و نضيع !!
ليه ممكن انسان يضيع .. بقرار من انسان تاني !!
ننفض نفسنا من الالم و الكسرة و الهم و الغم و الغصص اللي ماليه القلب .. نحط كل حاجه في مكانها ... نبص شويه للحقايق "الحقيقيه" مش اللي احنا بنحطها بمشاعرنا المداسه ..
ان اه ممكن الواحد يتعرض لمشكله و هو مالوش ذنب فيها بنسبة 100 % .. و ممكن كمان يكون عاجز انه ياخد حقة .. و ممكن تعيش حياتك طبيعيه من تاني .. ممكن تصون كرامتك .. ممكن تسامح مهما كان الالم مش علشان الطرف الاول لا "علشان نفسك" الطرف التاني علشان تكمل حياتك عادي ... علي نضيف و تمسح سرسابات التجربة السيئة من حياتك
لازم نكون احنا اقوي .. لازم حياتنا تتعاش بأقصي قدر ممكن من السعاده و الرضا

لخابيط حياتيه...

افكاري … كلها شخابيط

مشاعري … كلها شخابيط

حياتي .. كلها شخابيط

شخابيط ..

انا شخابيط

اول ليالي العيد ..

في ليل من ليالي العيد ..

تسكن هي علي الاريكه و لا يوجد حولها اي مظهر من مظاهر العيد علي العكس تماما .. يخنقها الظلام .. و انقلاب اليوم .. فقد استقطعت من نهارها ثلاث ساعات كامله لتستيقظ و قد حل الظلام "تكرة هذا الشعور" .. حاولت التغلب علي هذا الشعور .. و محاربته في محاوله مستميته لانعاش الذات .. بأستخدام كل أدوات خيالها
فلقد خلقت لها اجنحه من الحرير الابيض .. و حلقت في نهار السماء .. و رفعاها الهواء البارد و النسائم الناعمه التي تصيبها بدغدغة ممتعه تجعلها تبتسم بلا وعي منها .. قضت وقتها بين الحدائق الخضراء و الزهور الملونه بكل الالوان المبهجة التي تعرفها و التي لم ترها من قبل .. و رأت الفراشات و هي توشوش الورود و صادقتها .. و حلقت بينهم .. رأت العصافير و الطيور .. الانهار و الشلالات الصغيرة .. و اخذت قيلوله سريعه علي صوت هدير المياه و صوت المياه الذي له وقع خاص علي نفسها :) حتي انها اين ما حلقت .. تستمتع برآحه الزهور و الورود .. فأنها تتنفس في سكينه و يا له من شهيق.. يسكن الروح و يطهر الجروح...
لكن ...
لما لا تؤثر ادوات خيالي علي نفسي S: ...
لعله انت مجدادا !!
لا ادري متي اصبحت عالمي .. و انت لم يكن لك وجود يوما !!
و لعله الفراغ ..
فالبيت اصبح فارغا .. الا مني و بقايا ذكريات خانقة
و لكن ...
لا استطيع ان افقد املي في غدي :)

انا لا أشكو

. . ففى الشكوى انحناء ! !

وأنا نبض عروقى كبرياء ! !

كامل الشناوي

:)

و حياة صبرك علي ... لأغرقك حنان :) :) :)
<3 <3 <3

YES I BELIEVE :)

Get your own valid XHTML YouTube embed code

Until The Last Moment- Yanni & Samvel

الدقيقة 4:00
حساها حبيبه مجروحة .. بتشكي جراحها لحبيبها المتخاذل

Get your own valid XHTML YouTube embed code

Misbehavior is caused BY MisUnderStanding..

اوقات كتير بنضيع عمر من عمرنا علشان اتعاملنا مع موقف واحد و" وحيد" غلط ...
بنكرر نقف عنده و مانتحركش "او بنحس اننا عاجزيين عن اننا نتحرك" او ما فيش حركه ممكن تتاخد ..او فكريين ان مع الموقف ده حياتنا لازم تتعاش و متخرجكش عنه و بتلف و تدور حوليه .. و مهما بعدنا بنرجع ليه .. قرارات كتيير بتتاخد بناء عليه حتي و احنا عايزيين عكسها و سعدتنا في عكسها .. بنفضل فيه و جواه و بيه
مع ان هو وهم "حتي لو حقيقي" .. وهم نختزل عمر في موقف عمره دقايق او ساعات او حتي ايام و شهور
و مهما كان الضرر البالغ منه "من وجهت نظرنا" ممكن يكون بالنسبه لناس تانيه ولا حاجه ..و ممكن نتعامل معاه علي قدرة .. ممكن منخليش يبقي ليه السطوة و السيطرة وانه يكون المتحكم الوحيد بحياتنا.. ممكن نطلب مساعده .. ممكن نخرج نفسنا من ديرته .. ممكن نقف في وشه و نتحداه .. ممكن نتكبر عليه .. ممكن نحط في ادراكنا ان في حاجات بنكبر عليها و مش معني كده اني افضل متاطيه راسي بسببها و لا اني احس بالذنب او انه كان خطأي انا ..
.. و ممكن نسمح لنفسنا نعيش :)

فراغات

فراغات

فارغة هي من كل مايشغلها..لا تعرف كيف اتسع الفراغ داخلها إلى هذا الحد..تحاول أن تتجول في أنحائها لتخرج بفكرة أو صورة باهتة لذكرى فلا تجد..هل توقف عقلها؟؟لم تعهده هكذا من قبل وهو الذى لايكف عن النبض..نعم النبض.. لايكف عن العمل ولا يمل من مد يديه فى أحشاء الماضي و إلى عيون الحاضر و بين صفحات المستقبل البيضاء..يرتحل من هنا إلى هناك في طرفة عين ثم يعود أدراجه محملاً بما تمليه عليه حالته المزاجية..ولهذا فقد أعفى القلب من مهامه ويقوم بضخ المداد إلى أجزائها المرئية واللا مرئية.. اليوم هو مختلف..شلل ما يسيطر عليه فيستسلم له دون مقاومة تذكر..محاولات محتضرة لتشغيل محركه الذى لم يتعود السكون حتى فى قلب الحلم أسلمت الروح دون أن توصي..

قررت الخروج من الفراغ مع سبق الإصرار..أسلمت أصابعها للوحة المفاتيح دون أن تشترط أو تملي عليها ماتقول..اندفعت الأصابع تشي لشاشة حاسوبها بكل مايدور فى الرأس المواجه لها دون تفكير..فاجأتها صورة حبيبها ..توقفت قليلاً تسترجع ماتفعله به..لماذا تعذبه وهي تحبه؟؟؟ماذنبه هو في تقلبها الذى لاينتهي..اليوم خيرها بين المكث معه وبين الحرف ..حاولت استرضاءه وهي متعلقة بأذيال حرفها فلم تفلح...أغلق بابه دونها وتركها غارقة فى تيهها.. بينما فر منها الذى أغضبت حبيبها من أجله مخلفاً إياها تسبح فى أمواج الخرس

د.حنان فاروق

حد لسه معرفتهوش!!

انت شبه حد لسه معرفتهوش !!

September 24, 2011 at 6:22pm

انت شبه حد لسه معرفتهوش !!

انت حلمي القديم اللي لسه محققتهوش

انت الامل اللي عشت و لسه عايشه علي امل اني احققه

أنت ساكنّي ... و عايشني.. و حتي بغضب منك ساعات !!

بعمل علشانك كتير و انا مبسوطه.. علي امل لما تيجي تكون مبسوط مني !!

و بزعل منك لما بكون انا مضايقة او محتجالك و انت مش موجود "متاخر عليا اوي بجد !!

و اوقات بغضب و احاول اكسر الروابط اللي بيني و بينك علشان اعرف اعيش "لكن مابعش" غير بيك و ليك

-- كلام كتير شيلاه ليك "نفسي اقوله" عايزاك تيجي بسرعة علشان الحق اخليك تستمتع بيه

شويه رغي و فضفضه ..

يتلخص الرغي و الدوشه و الدربكه اللي في دماغي و قلبي

اني عايزة اقوم ...

ايوة عايزة اقوم

بس زي كأن عضلاتي وقفت لأني بقالي كتير ما بستخدمهاش

ده بالاضافه اني حاسه بتقل عليا

محتاجة اشيله علشان اقدر اقوم

و ممكن برده يكون كل ده وهم لا في تقل و لا عضلاتي وقفه!!

عايزة اقوم و اقف تاني علي رجلي

مش عارفه ايه العائق !!

و مش اقدرة اكتب عن العوائق المحتمله او اناقشني فيها

لان انا كل رغبتي و هدفي و اللي شيفاه و اللي عايزة اشوفه

"أني اقوم أقف علي رجلي "

مش عايزة عالج ماضي و لا افكر فيه ... مش عايزة افكر و احلل و اقيم و اصلح

انا عايزة أبتدي جديد

من "الأول" ...............

من ال"0

لحظة فراغ داخلي :)

هو رحت فين انا؟ و لا تهت مني امتي؟

فين حاجاتي و محتاجاتي

فين مشاعري و احساساتي

فين اغانية القديمه..

فين الجمل اللي بحبها

فين الضحكه العاليه

فين الجري و التنطيط و الشخابيط

فين تاليفي و كتباتي

فين جداولي و ترتباتي

ليه اهدافي تيهه مني

له احلامي هاربه مني

ليه فكراني سبقه سني

فين طفولتي و فين جناني

فين برائتي و عقلي يانيييييي

توهت مني في غفله مني

بصحي ايوة ..عايشه نايمه

CairoKee - Ya Tara Faker

يا تري فاكر

"حاجات كتير كان نفسي اعشها ما عشتهاش

مش عارفة هي كدا خلاص ولا لسه ممكن تتعاش"

7)..... بفتح بيباني

- عايزة افضل فاتحه ابوابي ...

حتي لو كانت في حاجات متناقضة داخله مع بعض من نفس الباب ... في فالأول و الأخر ممكن تكون عيني انا اللي شيفاها متناقضة لكن هي عادية او متوافقه كمان ..

الحيرة!! مش هفضل واقفه فيها!! لأ.. زي ما بفتح ابواب هفتح عيون جديدة لي ( "كلها محاولات طبعا")...يعني انا شايفه اني علشان اوصل لحل أخرج او أطلع من احساس الحيرة ده "مافكرش و انا جوه احساسي مفكرش بالاحساس" ... و لما اكون برة الاحساس هشوف حاجات اوضح و هقدر اخد قرار مناسب حتي لو كان بس اللي هيفرق ازاي هستقبل التناقضات دي او احساسي اتجاهيها ""ممكن يكون ما فيش حد فاهم حاجة :D "

لما نقدر نوصل لرؤيه اوسع بنقدر نحط الحاجات في اماكنها و احجمها الطبيعية ..و لما الحاجات تتحط في اماكنها و احجمها الطبيعيه بنعرف نتصرف فيها و بيها و معاها صح ..

..

..

..

7)- ......

بفتح بيباني ..(6

اسمع كلام يشتتني او يرجعني لورا \اشوف حاجات من واقع تكون تهديدات لطريقي\ حاجات تتحط في طريقي علشان مكملش.... كل ده و اكتر بكتير ... أفكار ناس حوليا .. معتقدات و مباديء بالنسبة ليهم ..محاوله فرضها عليا و حتي علي افكاري اللي جوا دماغي !!و اذا عرفو علي احساسي كمان مكانوش استنو...

حاجات هما مؤمنين بيها فعلا و حاجات منها تانيه بيقولها و يطلبو اللي حوليهم بيها لكن هما بيعملو عكسها ...!

مش دول اللي هخليهم يمشولي حياتي ..مش دول اللي هخليهم يأثرو علي تفكيري ..او حتي يشيلو قلبي مخاوف و هموم و اقعد اهري و انكت في روحي بسبب ناس حوليا كل واحد فيهم ليه حياته و بيبيح لنفسه حياتي !!

حياتي دي ملكي ..ربنا ادهالي ..الحياة دار اختبار ليا أنا ..انا اللي هتحاسب عن افعالي محدش هيتحاسب ليا

حياتي دي ملكي ..لو حصلي حاجة محدش هيدوق سعادتها او آلمها غيري ..

حياتي أن شاء الله أختياراتي ...

مش هضايق نفسي كتير او أشيلها كتير من السلبيات اللي حولي او الناس اللي حولي او اي حاجه خارج نطاقي..

اكيد هتأثر ..لكن مش عايزها او مش عايزهم هما اللي يقودو حياتي و يوجهوها .. دفه حياتي في ايدي "المهم اتحمل انا تحديات و مسؤلية اختياراتي

هقفل باب كلام و افكار الناس السلبيه اللي حولي

و هفتح الباب لروحي و حياتي باب قيادة حياتي :)

.......

6- التحرر

بفتح بيباني ... (5

غالبا بحط نفسي في مكان و حاجات معينه ...

و أقول هي دي الحاجات اللي بحبها .. و تبقي اي حاجة تانيه :"لأ مبحبهاش" مع ان انا اصلا مجربتهاش :D

ليه مثلا مش كل فترة كدا ..كل حد يعمل حاجه من الحاجات التانيه اللي مبيحبش يعملها !! مثلا اللي مبيحبش القراءة يروح مكتبه و يشتري كتاب يقرا فيه ,,الي مبيحبش الندوات * يشوف ايفينت كدا و يروح يحضر ,, المهم تكون حاجه بتمارس "بكسر الباء و ضم التاء و فتح الميم" ..يعني بتستقطع وقت من الزمن .. "وقت طويل نسبيا" .. بحيث ان انا ساعتها ممكن اكتشف حاجة و أطلع بحبها اكتر من اي حاجة كنت بحبها قبل كدا... ليه احصر اهتماماتي في حاجات معينه و اسيب حاجات تانيه كتير اوي ,,اكيد مش هجرب كل حاجه بس علي الأقل اجرب بقدر الامكان !!

مش عايزة اعيش في قالب معين

مش عايزة يكون فكري و عيني و حياتي محدودة

و عايزة اكتشفني اكتر و استمتع و استفاد بحياتي اكتر

كنت بفكر اعرف اهتمامات كل واحده فيكو ايه :D

و ابتدي كل فترة استعير الموضوع ده منها لفترة

..

.. 5)- أعيش برة الصندوق

بفتح بيباني ...(4

ليه اوقات كتيير ... بقلل من قيمه الحاجات اللي بعملها !!

ليه لما بعمل حاجة كويسه .. مابرضاش أقول انا عملت كذا "حتي بيني و بين نفسي "!! "اكيد مش في كل الحالات"

ليه لما أقنع او اأثر في حد بقلل من قيمة اللي عملته ؟!

ليه اوقات كتيير بنقلل من انجازاتنا!!

ليه بيصعب علينا نفرح بنفسنا D: !!

هيحصل ايه يعني لو عملت حاجة كويسه لحد او لنفسي او حققت حلم مهما كان صغير و اقول عليه مش لنفسي بس و للناس كمان و لو عرفت اكافئني اكافئني و افرح باللي عملته و استمتع بأحساسي بأني حققت حاجه مهما كانت تفهه

D:

..

(4)- تقدير الذات

بفتح بيباني ...(3

اكتشفت ان اوقات كتير بردة مش مشكله "نتحرج " :) او زي ما بيقولو "بتحط نفسك في مواقف بيخة" ايه المشكله اني اعرض نفسي للاحراج مقابل اني اخد حاجه او اعمل حاجة" بحبها"!! و غالبا اصلا مبيطلعش فيها احراج زي ما احنا شيفنها او فكرنها ... في حاجات لازم تتكسر ...و حاجات تانية لازم اعرف ان علشان اخدها لازم ادفع تمنها :) ....

بوقف نفسي كتير عن حاجات غاليه ..علشان حاجات ملهاش اساس اللا في خيالي

و حتي لو ما كنتش غاليه و طلعت فاشوش ما انا مش هعرف برده انها حاجه متستحقش غير لما اقدم عليها

..

(3)-المبادرة

بفتح بيباني ... (2

ايه المشكله اني ابذل مجهود في اني اسعد اللي حولي؟!! الناس علي فكرة اوقات كتير اوي مبتكونش طلبه كتير ... شوية اهتمام صغير .. ابتسامة ..مشاركة في حاجة الناس دي بتحبها ...

اوقات تانيه الناس بتكون عيزاني اضحك او اكون مبسوطه !!

ابتديت الاحظ ان انا "بالنسبه لناس معينه" سبب في انهم شيلين هم او اني بكون سبب في ان الجو يكون مشحون

لازم زي ما بكون بدور علي سعادتي الشخصيه ..اسعد الحوليا..انا مش هعمل حاجة خارقه في حاجات بسيطة اوي ممكن تفرق مع ناس كتير....

ليه ما اكونش انا الحد اللي لما حد مضايق و عايز يبتسم شويه يجي لي؟

عايزة ابدء اخد خطوة في الموضوع ده ..... عايزة اكون لون مشرق للناس الحولي

..

(2)-المشاركة

بفتح بيباني ....

23-5-2011

عايزة اواجه نفسي اكتر و يبقي عندي الجرأه بالأعتراف باللي جوايا مش بس لي نفسي لأ و أني الاقي الاشخاص اللي اقدر اقولهم علي أعترفاتي اللي بعترفها قدام نفسي ... لأن فعلا اوقات كتير اوي لما بنعترف لحد بحاجة جوانا ..و نبتدي نتكلم ..غير اننا بنرتاح ..و الشخص التاني ده ممكن يحط ايدو علي حاجه انا مش وخده بالي منها "بعد ما اقول الكلام الجويا و اللي قالب حالي ..أنا بوصل اوقات لأن "لأ" مش ده ..ده مش حقيقي ..الكلام او الاعتراف ده مش السبب الرئيسي او ان مش ده الموضوع..و بوصل للموضوع الاصلي ..او علي اقل تقدير بوصل لنقطة تانية اقرب للحقيقه بتمحي فجوة جوايا تايهه او بتحطاها في مكانها الصح

..

(1) - المواجهه و الأعتراف

خلاجات نفسي

- لماذا يأخذني الحنين اليك و انا لا اعرفك.. لماذا اريدك بهذه الشده!!!!!! مع اني اعلم بأنك مر المذاق و معا او حتي في طريقك الي او طريقي اليك الاف العقبات الوهمي منها و الحقيقي.....

- اريد ان افعل الكثير ... و لكني لا افعل شيء.. لماذا اسمح بما لا اقبله ام ان هذا ضعف في ارادتي

- اين الطريق؟!
لا اري طريقا الي ما اريد...و قد لا يكون لدي ما اريد...و لكني ارقد في طرقات لا علم لي بمقاصدها
قد لا اكون ادري ما اريد و قد لا اكون علي الدرب السليم ,,لكني اؤمن بأني ساصير يوما علي الطريق الصحيح

- اراني...اراني اتنقل بين الكلمات علني اجد ما يهدأ من ما يجتاح نفسي ...فأذهب الي هنا و اهرع الي هناك ..ولكن هيهات...هيهات..هيهات
فاما ان لا اجد سطور..او لا اجدك بين السطور ..فأعود و املي مفقود..و ليس هناك من شهود

- قد اكون الابعد الاقرب...لكن ان اكون الاقرب الابعد..."اعذرني" مستحيل :)

نجاح الثورة
11\2\2011

الثورة
25/1/2011

ثورة الحريه ... ثورة الكرامة ... ثورة التغيير

مع الشباب و مع كل من يبقي في "ميدان التحرير" و مع كل من مع من يبقي في "ميدان التحرير"

اللهم يسر كل الخير ل مصر